forta de cele mecheance ; avoir et genz li offri tot à sa volenté, et li promist bons servises et loial compegnie. Longuement parlerent entre aus II soul à soul[1], puis firent venir lor barons. Acordé furent à ce que il s’en iroient andui ensemble por acomplir a lor pooir la besogne Nostre Seignor que il avoient emprise. Nequedent, asez i ot des genz l’emperaor qui didrent que il avoient perdu ce que il avoient aporté por dependre ; por ce ne porroient aler en avant. Sanz faile moult les avoit espoentez li periuz de la guerre où il avoient esté, et li lons travauz qui pas n’estoit encore finez. Si ne regarderent ainques au vou dou pelerinage que il avoient fait, ne à lor segnor que il laissoient, ençois s’entornerent en Costantinoble. Cit dui haut home se murent a tot lor ost, ne tindrent mie la voie où il estoit mechooit[2] à l’emperaor, ançois la laisierent à senestre et s’adrecierent vers Aise la menor, puis tindrent la voie de la marine ; si eschiverent sor senestre la terre de Philadelphe[3]. Après, vindrent à la cité de Simirne[4] ; d’iluec, entrerent en la cité d’Ephese[5], qui moult est honorée por ce que messires sains Jehans li Evangelistres i habita, preheça et morut[6] ; encor i pert sa sepouture.
- ↑ « De douces paroles et de benignes ; moult doucement le conforta de la très mauvaise fortune qui lui estoit advenue » (royal ms. 16 G VI, fol. 315, en note).
- ↑ Où il estoit mechooit, où il était arrivé malheur.
- ↑ Philadelphe, Philadelphie, ville de Lydie, auj. Alachehr.
- ↑ Simirne, auj. Smyrne, Turquie d’Asie (Anatolie), ch.-l. du vilayet de Smyrne.
- ↑ Ephèse, autrefois ville importante d’Ionie, auj. détruite.
- ↑ Le royal ms. 16 G VI, fol. 315, ajoute en note : « En celle ville mesmes, où il estoit avec ses freres, fut-il de Dieu appellé pour aler avec lui ou ciel et estre repeuz des viandes espiri-
