Page:Viard - Grandes chroniques de France - Tome 6.djvu/55

laz et defaillanz par defaute de vitalle, et fu en telle desconfiture demené que il ne li remest de son grant ost que la X^e partie que tout ne fust mort que pris^[1].

^[2]Tandis com li oz l’emperaor estoit à si grant mesaise, car il estoient egaré premierement des voies ; après il estoient las et debrisié de longuement venir par vaus et par tertres roites et perilex, il avoient faim et soif trop grant ; li cheval lor faloient dou lonc traval et por la faute de viandes^[3]. Li Tur qui bien sorent lor couvine^[4], parlerent entre aus, et si come li chevetaine l’orent devisié, il vindrent soudainement a granz rotes^[5] et se ferirent en l’ost l’emperaor qui garde ne se prenoit, ainz estoient encores ses genz parmi les tentes. Cil orent lor chevaus bien sejornez^[6], come cil cui riens ne faloit, si les troverent forz et iniaus^[7]. Il furent legierement armé, car li plusor ne portoient que lor ars et lor saietes. Quant il se ferirent en l’ost, moult grant noise firent ; il glatisoient comme chien et faisoient soner tabors et timbres^[8]. La gent l’emperaor estoient pesamment armé de hauberz et de chauces, d’escuz et de hiaumes ; lor cheval estoient maigre, las

1. Bibl. nat., ms. fr. 2813, fol. 214.
2. Guillaume de Tyr, liv. XVI, chap. XXII.
3. Le royal ms. 16 G VI, fol. 314, ajoute en note : « Si n’estoit pas de merveilles, car les grans faiz d’armes que il portoient les rendoient desrompuz et traveilliez. »
4. Lor couvine, leur position.
5. A granz rotes, à grandes compagnies.
6. Sejornez, reposés.
7. Iniaus, rapides.
8. « Tele noise faisoient que il sembloit que le ciel deust fendre. Et cecy font eulz de coustume, si que par telz espoventemens et criz il puissent du tout leurs ennemis espoventer » (royal ms. 16 G VI, fol. 314, en note).