doine[1]. C’est une moult enciene citez où jadis sit uns des IIII granz conciles[2]. Là furent ensemble VIc et XXXVI prelat, ou tens Marciem[3] l’emperaor et Leon l’apostoile de Rome[4]. En ce concile fu dampnée l’eresie d’un abbé qui avoit non Eutiches, car il disoit que Jhesu Criz n’avoit aue que une soule nature ; mais la foiz crestiene est cete, que il fu vraiement Diex et hom.
Li soudans dou Coine[5], qui moult estoit poisanz en Turquie, ot oï parler asez avant de ces hauz princes et moult en fu en grant effroi. Bien vit que se il ne s’en prenoit garde, grant domage porroit avenir à ses hommes et à sa terre. Por ce, si tost comme il pot, envoia par tote la terre d’Orient et manda que tuit cil qui armes porroient porter venisent à lui. Il maimes cerchoit[6] les citez et les chastiaus ; ce qui estoit cheu es fortereces faisoit redrecier et les fossez reparer, noveles trenchies faire. Toz cex dou païs metoit chascun jor en ses[7] ovres ; trop se doutoit, et ce n’etoit pas de merveile, car une renomée couroit moult granz par tot le païs, que si granz plantez de genz venoient ovoc ces II granz princes, que là où il se lojoient sor une grant eve corant, tantost tarissoit, si que ele ne pooit
- ↑ Calcidoine, Chalcédoine, ville d’Asie Mineure, sur la côte de Bithynie, en face de Constantinople.
- ↑ Le concile de Chalcédoine fut le quatrième concile général ; il eut lieu en 451.
- ↑ Marcien, empereur d’Orient de 450 à 457.
- ↑ Saint Léon le Grand, pape de 440 à 460.
- ↑ Coine, Iconium, auj. Konieh, Turquie d’Asie (Anatolie), ch.-l. du vilayet de Konieh.
- ↑ Cerchoit, visitait.
- ↑ « Chasteaulz et forteresces, et les y faisoit ouvrer » (royal ms. 16 G VI, fol. 312 vo, en note).
