Page:Viard - Grandes chroniques de France - Tome 6.djvu/127

III.

Coment Phelippe Dieudonné fu coronné.

^[1]Droit à la feste de Touz Sainz^[2], fu Phelippes Augustes coronez à Rains, selonc la maniere et la costume des anciens rois de France. Là furent present tuit li prelat et li baron dou roiaume et ses oncles, Guillaumes arcevesques de Rains^[3], prestres cardinaus de Sainte Sabine, qui en ce tens estoit legaz en France. Et si fu presenz à son coronement li rois Herris d’Angleterre^[4], qui à cele jornée li tint d’une part la corone seur son chief moult devotement, par la raison de son homage et de droite subjection, qui ovec les autres princes et prelaz crioit moult hautement : Vive rois. Vive rois. En ce jor que li rois fu coronez, il avoit XIIII anz d’aage touz parfaiz très la feste saint Thimothée et saint Simphorien^[5] qui ja estoit passée ; si es-

1. Rigord, Gesta Philippi Augusti, § 4.
2. 1^er  novembre 1179.
3. Guillaume de Champagne aux blanches mains, évêque de Chartres, puis archevêque de Sens et transféré de ce siège à celui de Reims le 8 août 1176, fut promu cardinal de Sainte-Sabine en 1179 et mourut le 7 septembre 1202. Il était fils de Thibaut II, comte de Champagne, et ainsi le frère d’Adèle, troisième femme de Louis VII et mère de Philippe-Auguste (voir sur lui : J. Mathorez, Guillaume aux blanches mains, évêque de Chartres, chancelier de Philippe-Auguste. Chartres, 1911, in-8^o).
4. Henri Court-Mantel, dit le Jeune, fils de Henri II, roi d’Angleterre ; il avait été couronné du vivant de son père, et il mourut avant lui, le 11 juin 1183, à Martel (Lot, arr. de Gourdon, ch.-l. de cant. Voir Rigord, éd. H.-F. Delaborde, p. 35, note 4).
5. 22 août.