que tuit cil qui ou palais estoient orent grant paor. Tuit se douterent que li empereres ne fust morz, mais Diex qui l’amoit le garanti en ce peril. Ovec lui chairent à terre plus de xx, que contes que barons, sanz les chevaliers et les serjanz qui entor estoient, et furent blecié en diverses manieres. Mais li empereres n’ot mal, fors que tant que li poumiaus de s’espée le hurta ou piz et que l’une des orilles li fu un petit escorchié, et l’une des cuisses, bien amont les illiers[1], fu i poi serrée entre ii fuz. Mais assez tost fu gariz de toutes ces blecheures par le conseil des cirurgiens, si que il chevacha et chaça en bois entor xx jors après.
General parlement fist assembler à Es la Chapele ; si ne fu pas cele assemblée tant seulement de barons, ainz fu d’arcevesques, d’evesques, d’abbez et de touz les estaz de sainte Eglise. Là fu bien monstrée la fervor et la devotion que il avoit à sainte religion, car il fist faire et ordener i livre de la canonial vie, en quoi toute la perfections de cele ordre est contenue, si com il apert par ceus qui la gardent et qui la metent à ovre. En ce livre maismes, fist-il ordener de la quantité du pain et de la mesure dou vin et des autres choses necessaires, si que tuit chanoine et moine et nonains, qui souz ceste ordre serviront Nostre Segneur, ne fussent destorbé ne enpeechié pour defait ne pour necessité[2]. Et quant cil livres fu compilez et ordenez,
- ↑ Les illiers, les côtés, latin « juxta inguina ».
- ↑ L’auteur de la vie de Louis le Débonnaire, et après lui l’auteur des Grandes Chroniques ont confondu deux conciles d’Aix-la-Chapelle, l’un qui se tint en 816 et s’occupa de la vie canoniale et l’autre qui eut lieu en 817 et s’occupa de la discipline monastique. Labbe et Cossart, Sacrosancta Concilia, t. VII, col. 1307 et suiv. et col. 1505 et suiv. ; — A. Wermin-
