l’evesque d’Orliens. Après commanda à Jehan, l’arcevesque d’Alle[1], que il alast devant a grant compagnie des menistres de sainte Eglise revestuz en chapes et en autres garnemenz de soie. Au derrenier, mut li empereres et li ala encontre, entor demie lieue loinz de l’église Saint Remi. Honestement et devotement le reçut comme le vicaire saint Père, et il meismes le soustint à ses mains quant il entra en l’eglise Saint Remi. Et tandis comme les religious et li clergiez chantoient Te Deum laudamus, le soustenoit touz jors li empereres. Après ces grâces que il orent à Dieu rendues, li apostoles les acompli par une oreson que il dist en la fin. Lors se departirent et alerent aus hostieus, et li apostoles descovri à l’empereur sa besoigne et li dist la raison pourquoi il estoit venuz. Laienz mengierent ensemble. Après mengier, repaira li empereres en la cité et li apostoles demora en l’abbaïe. L’endemain, semonst li empereres l’apostole pour mengier ovec lui. Honorablement et largement fu toute la court servie et fu li apostoles honorez de granz dons. Au tierz jor après, semonst li apostoles l’empereor au mengier et li dona ausi mainz riches dons, et l’endemain qui fu li jors dou diemenche porta li empereres corone en l’eglise tandis come l’on celebra la grant messe[2]. A la parfin, quant li apostoles ot empetré la besoigne pourquoi il estoit venuz[3], il prist congié à l’empereor et
- ↑ Jean II, archevêque d’Arles de 811 à 819.
- ↑ Le royal ms. 16 G VI ajoute en note : « Après la messe reçupt très humblement la bénéisson du saint Père, que present le pueple lui donna. »
- ↑ Thegan, chap. xvi et xvii, qui donne plus de détails sur l’entrevue de Louis le Débonnaire et d’Étienne IV, nous apprend
