l’estoire ne parole pas quant ne comment il furent né et pour ce nous en convient taire[1].[2]Lothaire envoia en Baiviere pour le païs governer, Pepin en Aquitaine, Looys, le tierz, retint encore ovec lui pour ce que il estoit trop jones.
En ce tens vint à cort Heriolz, li princes de Danemarche, que li fil le roi Godefroi avoient chacié du roiaume. A l’empereor vint à garant, si se rendi à li et li fist homage à la costume de France[3]. Li empereres le reçut et li dist que il s’en alast en Saisogne et atendist tant que il li peust envoier secors pour sa terre recovrer. En ce meesme tens, rendi-il aus Saines et aus Frisons leur terres et leur heritages que il avoient meffaiz et perduz par droit au tens de son pere. De cete chose parlerent pluseurs diversement, qui diversement estoient meu. Car li un disoient que il cuidoient que il eust ce fait par debonaireté et par franchise de cuer, et li autre l’atornoient à non sens et à mauvese porveance, et disoient que tiex genz sont par nature cruel et desloial et devroient touz jors estre si restraint et si chastoié que il n’eussent pooir de guerre esmovoir ne de rebeller. Mais li empereres, qui mieuz amoit à vaincre par debonaireté que par armes, le fist pour ce que il les peust vaincre par franchise et par amor et que il fussent plus tenu à li com il fesoit plus
- ↑ Cette première phrase semble avoir été ajoutée par le traducteur.
- ↑ Vita Hludowici imperatoris, chap. xxiiii.
- ↑ Latin : « Et juxta morem Francorum manibus illius se tradidit. » Cf. Éginhard, Annales, année 814, et Chron. de Moissac, année 813.
le prince Grimouart refusa à y venir, et la cause pourquoy ne raconte pas l’istoire ; et pour ce s’en taist. »
