commandement dou pere, à une vile vint qui Neuscie[1] avoit non, le Rim trespassa et se hasta moult de suivre son pere. Mais avant que il venist jusques à lui, il encontra un message en un lieu qui a [non] Ostephale[2], qui li dist que ses peres li mandoit que il ne se traveillast en avant et tendist ses herberges en aucun convenable lieu et l’atendist là, car il n’estoit pas mestiers que il se traveillast en avant, pour ce que li empereres s’estoit ja mis au retor a grant victoire de ses anemis. Li rois li ala encontre quant il sot que il aprochoit et li peres le reçut a grant joie et l’acola et besa pluseurs foiz. Moult le looit de touz ses faiz et se tenoit à boneureus de ce que Nostre Sires li avoit doné tel hoir.
A la parfin, quant les batailles et les longues guerres furent finées[3], que li empereres ot si longuement maintenues contre la gent de Saisoigne, qui xxxiii anz dura, si comme nous avons plus plainement devisé en ses faiz, il cessa de guerroier ; li rois Looys ses fiuz se departi de lui et s’en ala yverner ou roiaume d’Aquitaine.[4]Après la fin de l’yver, li empereres vit que il avoit tens et lieu de visiter aucunes parties de son regne. Et pour ce meesmement que il avoit toutes guerres afinées et estoit en pais demorez, il s’en ala es
- ↑ Neuscie, auj. Neuss, Prusse rhénane, district de Düsseldorf.
- ↑ Il y a la région d’Ostphalie, située à l’est du Weser ; mais on n’a pu identifier le lieu nommé ici « Ostephale ». Cf. Pertz, Scriptores, t. II, p. 612.
- ↑ C’est en 804 que les guerres de Saxe furent terminées par la déportation d’une partie de la population (Éginhard, Annales, année 804).
- ↑ Vita Hludowici imperatoris, chap. xii.
