last si grant ost com il porroit, et alast aidier Pepin son frere en Ythalie[1]. Si comme li peres le commanda le fist ; ses oz apareilla et ordena de son roiaume si comme il dut. Les monz de Moncenys trespassa et entra en Lombardie. La Nativité celebra en la cité de Ravane.
Quant il fu venuz à son frere, il assemblerent leur oz et entrerent en la province de Bonivent ; un chastel pristrent et degasterent le païs[2]. Vers le noviau tens se mistrent au retor pour revenir au pere ; mais en ce que il retornoient il oïrent tiex noveles dont il furent dolent, car il leur fu conté que leur freres Pepins[3] s’estoit aliez à pluseurs nobles princes contre son pere, et ja estoient reté et ataint dou fait. Tant errerent toutes voies que il vindrent en Baiviere où leur peres estoit, en un lieu qui est apelez Salz[4]. A grant joie les reçut. Toute cele saison demora li rois Looys ovec le pere qui moult estoit en grant cure de lui, et moult se doutoit que il ne fust pas bien plainement entroduit et enseigniez en bones mors, et que il ne fust corrompuz par aucunes mauveses acoustumances.
Quant li prinstens fu revenuz, il prist congié de retorner en son roiaume ; mais tant aprist de lui avant que il s’en partist, que nus princes ne puet estre, se
- ↑ 792.
- ↑ Dans cette expédition, l’armée de Louis fut fortement éprouvée par la famine qui sévit alors en Italie, en Bourgogne, en Provence et dans une partie de la France (Chronicon Moissiacense, année 793).
- ↑ Pépin le Bossu, fils naturel de Charlemagne et d’Himiltrude.
- ↑ Salz, auj. Kœnigshofen im Grabfeld, Bavière, district de Basse-Franconie.
