d’aler à Rome[1] pour visiter les Apostres, et pour recommender soi et son fil en leur garde. Si comme il le proposa, ensi le fist. L’enfant fist porter ensi comme en bercel, car il n’estoit encores pas d’aage[2] ne de force que il peust soufrir le chevauchier, ne le travail de si longue voie. Quant il vint là, il fu honorablement receuz dou clergié et dou pople. Là fu li enfes enoinz et coronez à roi par la main l’apostoile Adrien[3]. Quant li peres ot là demoré une piece, il retorna en France, en prosperité, li et touz ses oz ; le roi Looys son fil envoia en Aquitaine et li livra du tout le roiaume, i noble prince qui avoit non Arnous, et mainz autres menistres li livra pour li garder et conduire. Jusques à Orliens l’emporterent en bercuel, et là meismes avant que il entrast ou roiaume d’Aquitaine, li apareillierent armes et chevaucheure teles com il aferoit à son aage. En sa terre fu receuz des barons si com il dut ; iiii anz i demora sanz gaires issir dou païs, mes ses peres, qui en ce tens maintenoit les guerres et les assauz continuez contre la gent de Saisogne, si comme l’estoire a plainement devisé en ses faiz, se douta moult de li et ot paor que li poples d’Aquitaine ne montast en aucune presumption contre l’enfant, pour ce que il
- ↑ C’est vers la fin de l’année 780, après avoir réglé les affaires de Saxe, que Charlemagne se rendit à Rome avec sa femme et ses enfants. Il célébra la fête de Noël à Pavie, y passa le reste de l’hiver et vint à Rome pour Pâques 781 (Éginhard, Annales, années 780 et 781).
- ↑ Louis, né en 778, n’avait donc pas trois ans, ou à peine.
- ↑ Louis reçut du pape Adrien l’onction royale, ainsi que son frère aîné, Pépin, qui, en même temps, fut baptisé. Pépin fut couronné comme roi de Lombardie et Louis comme roi d’Aquitaine (Éginhard, Annales, année 780).
