vit par l’aide l’empereor ; comment li Normant vindrent en Aquitaine et coment li empereres pardona son mautalent à touz cens qui traï l’avoient ; de ses parlemenz et de la pais que il mist entre ceus qui se descordoient.
Li xiii parole comment li apostoles Pascases corona à l’empire Lothaire ; comment Droues li freres l’empereor fu evesques de Mez ; de la soupeçon que li empereres ot de l’apostole et comment il s’escusa par messages ; des signes qui avindrent ; comment Kalles li Chaus fu nez, et de moult d’autres choses.
Li xiiii parole de divers messages qui vindrent à court ; des messages au roi de Bulgrie qui requeroient abonement des ii roiaumes ; coment Herioz, i princes des Normanz, fu baptiziez, et d’autres incidences.
Li xv parole comment Azons, i rois sarrazins, degasta la terre l’empereor par devers Espagne, et comment li empereres i envoia secors, mais il i vint trop tart ; de la mort l’aspostole Eugine ; de la peresce des princes qui la terre deussent garder ; comment il envoia Pepin son fil pour garder les marches d’Espagne, et de moult d’autres choses.
Li xvi, comment li empereres s’aperçut de traïson que li sien maismes li bastissoient, et comment il esmurent son fil maismes contre lui ; comment il le cuiderent prendre, et puis comment li empereres les fist metre en prison.
Li xvii parole comment il envoia querre la roine Judith, et comment ele se purja du blasme que li traiteur li metoient sus, et coment Berart offri son gage dou blasme de la roine ; comment li empereres chastoia Pepin son fil de ses mauveses meurs, et comment il fu mis en prison.
