manz, Roric et Rodulphes[1]. A lui s’acorda Roric et s’en parti en pais et en amor ; mes Rodulphes s’en parti en contenz et en discorde, et li rois toutevoies se garni et s’apareilla contre sa malice[2]. De là s’en retorna en France, non pas par eaue[3], ausi com il i estoit alez, mais par terre. Par Atigni s’en vint à Soissons ; en l’abaïe Saint Maart celebra la Nativité Nostre Segneur. En ce tens trespassa de cest siecle li apostoiles Adriens[4] ; après lui, fu en siege Jehans dyacres de l’eglise de Rome.
[5]Maint fil de discorde et anemi de pais estoient encore ou roiaume de France et en autres roiaumes, qui s’atendoient que li mal et les tribulations qui avoient esté fait à sainte Eglise, ou roiaume de France et aus autres regions par Kallemaine le fil le roi Kalle, fussent recommencié par lui meismes. Pour lesquiex cas qui devant estoient avenu, avoit li rois compilées et faites aucunes loys par le conseil des sages homes, ausi come si devanciers soloient faire, qui moult estoient porfitables à garder la pais de sainte Eglise et du roiaume ; et avoit moult estroitement commandé que eles fussent fermement gardés et tenues. Après ce, fist assembler les evesques en la cité de Senliz[6], où cil Kallemaine, ses
- ↑ Rodolphe était fils du chef normand Hériold et Roric, frère ou neveu du dit Hériold (cf. R. Parisot, le Royaume de Lorraine, p. 49-65).
- ↑ « Et ammonnesta ses loyax princes et sergens de eulz diligemment deffendre encontre lui » (royal ms. 16 G VI, fol. 224 vo, en note).
- ↑ Ms. S. G., par eus ; latin : « per Attiniacum itinere equestri revertens ».
- ↑ Adrien II mourut le 1er décembre 872 et Jean VIII lui succéda le 14.
- ↑ Annales de Saint-Bertin, année 873.
- ↑ Sur ce synode de Senlis, voir Labbe et Cossart, Sacrosancta
