sairemenz de feueté à Challe son fil. Aucuns de ceus qui pas ne voloient plainement obeir fist prendre pour ce meismement que il ne voloient avant venir, ainz aloient entor sa route, espiant et faisant et toutes et larrecins quant il povoient. Jugier les fist, et jousticier selonc les loys.[1]Tant demora ou païs pour ordener des besoignes du roiaume, que li Noës aprocha ; la feste fist en la cité de Poitiers.
Là maismes vint à lui uns messages qui li aporta noveles que ses fiuz Loys avoit assemblez Saines et Toringiens et estoit entrez moult efforciement en Alemaingne. De ces noveles fu si durement troublez que il en conçut en soi une grant maladie, car il estoit de grant aage et de fleumatique complexion, qui plus habunde en yver que en esté. Si avoit autres enfermetez dedenz le cors, et la doleur des noveles qui moult le tormenterent, jasoit ce que il fust debonaires outre maniere d’ome[2]. Mais li granz cuers de lui qui ainques ne fu brisiez pour nule adversité, et ce que il veoit sainte Eglise troublée et le pople crestien en persecution le fist fort à soufrir toutes adversitez pour l’amor de Nostre Seigneur.
Quant ce vint vers le karesme, que les sains jeunes durent commencier[3], il apareilla son ost pour ostoier
- ↑ Vita Hludowici imperatoris, chap. lxii.
- ↑ Le royal ms. 16 G VI, fol. 214 vo, ajoute en note : « moult fort et de grant couraige à soustenir toute tribulacion. Toutesvoies, il vint à li un messaige derechief qui unes nouvelles lui aporta, comment saincte Eglise estoit par ses ennemis destruite ; dont tel courous lui prist au cuer que une merveilleuse apostume lui vint pour cause de flume qui en lui pour l’iver habondoit oultre mesure ; et par ycellui courous se concrea dedens son corps, dont à la parfin il morut ».
- ↑ « Lui qui avoit de coustume de emploier le saint temps
