de ce dont li autre devoient ausi estre encorpé, et en cui presence ce ot esté fait. A la parfin, quant la chsoe li torna à ennui, il confessa tout plainement sa corpe, par le conseil d’aucuns des evesques, et conferma par sa parole meismes que il n’estoit mais dignes d’estre ne evesques ne prestres, et juja-il meismes que il devoit estre deposez d’office et de benefice, et puis bailla à l’empereor le libelle de tel sentence par les evesques maismes[1]. Après ce, fu Agoberz, li arcevesques de Lyons, deposez de l’arceveschié pour ce que il avoit esté semons par iii foiz, ne pas n’estoit avant venuz. Tuit li autre evesques parçonier de ce cas s’en estoient fui en Ytalie.
Le diemenche après, qui fu li diemenches devant la quarantaine[2], li empereres et tout li poples qui à ce parlement avoient esté vindrent à Mez. Tandis comme l’on chantoit la grant messe, vint devant le maistre autel de l’eglise et fist lire seur son chief vii oroisons à vii arcevesques, en reconciliation de lui à sainte Eglise, car ce ne soufisoit pas, ce li sembloit, se il n’estoit reconciliez et restabliz selonc la maniere que il avoit esté deposez. Moult en fu li poples liez et rendirent tuit grâces à Nostre Segneur quant il virent que il fu plainement restabliz en l’empire.
Après ce, retorna li empereres et li poples à Theodone, et le diemenche après[3], qui fu li premiers de la
