derent que il leur rendist leur droit segneur tout delivre, et se il voloit ce faire, seust-il que il seroient plus pour lui vers son pere, que ja pour chose que il eust faite de pis ne l’en seroit, et que ja n’en seroit estreciez[1] ne amenuisiez ne de santé ne d’onor ; ou se ce non, certains fust-il que il li seroient à l’encontre et requerroient leur droit segneur par armes et se combatroient à lui, se il le convenoit faire, pour loiauté et pour joustice, à l’aide de Nostre Segneur.
A ce respondi Lothaire et dit que nus ne devoit estre plus dolenz de li de la honte ne du grief son pere, ne plus liez ne plus joieus de son bien et de s’oneur ; ne de ce, ne li devoit-on pas metre sus le blame ne la corpe, pour ce que ce avoit esté fait par le commun acort des anciens princes et des prelaz, par cui jugement il avoit esté deposez et mis en prison. A tel response s’en partirent li message et retornerent à ceux qui envoiez les avoient. Mais tant leur dist au departir, que li cuens Gerins, et Odes, Folques, et li abbés Hues revenissent à li pour traitier comment leur requeste seroit faite, et commanda à sa gent que il li feissent asavoir quant il devroient venir pour aler encontre iaus et pour traitier de la besoigne. Mais toutes voies chanja-il ce conseil quant il se fu conseilliez à ceus qui plus estoient de son cuer, car quant ce vint à l’endemain[2] il lessa son pere tout delivre en l’abaïe
- ↑ Estreciez, querellé.
- ↑ Ce serait le 28 février 834 que Lothaire aurait quitté Saint-Denis pour se retirer à Vienne. Voir Annales de Saint-Bertin, année 834, avec la note rectificative de D. Bouquet (Rec. des Hist. des Gaules et de la France, t. VI, p. 196. Cf. Himly, Wala et Louis le Débonnaire, p. 184, et Bernhard Simson, Jahrbücher des Fränkischen Reichs unter Ludwig dem Frommen, t. II, p. 89).
