envoia avant à li, Rumout, l’ainé de ses fiuz[1], qui de par li, li presenta granz dons et granz presens et li prooit que il se souffrist d’entrer en sa terre. Mes li rois, qui toz jors baoit à mener à fin son propos et à parfaire ce que il avoit encommencié, retint Rumout et tote sa gent ; en la contrée de Campaine ostoia et assist la cité de Capue[2], toz apareilliez de bataille rendre au duc se il ne feist sa volenté. Li dux qui moult se douta guerpi la cité de Bonivent, qui est chiés de cele regiun, et s’en ala en une autre cité qui siet sor la mer, si est nomée Salerne[3], il et tote sa gent ; puis ot tel conseil à ses barons que il envoia ses ii fiuz au roi, à granz presenz de diverses richeces, et li promist que il estoit apareilliez d’obeir à ses commandemenz. Li rois s’asenti à ses proieres et se tint de li faire grief et de bataille commencier, maesmement pour l’amor et pour la paor de Nostre Seigneur. Le mainé de ses fiuz[4] retint en hostages et jusques à xi autres ostages que li poples li livra. L’ainné de ses ii fiuz renvoia au pere. Après envoia ses propres messages au duc pour recevoir les homages et les sairemenz de lui et du pople. Ces choses ensi faites, il reçut les messages Constantin, l’empereor de Costantinoble, qui de par lui estoient à li venu pour sa fille[5] requerre ; et quant il les ot oïz et delivrez, il
- ↑ « Misso enim Rumoaldo majore filio suo » (Éginhard).
- ↑ Capoue, Italie, prov. de Caserte, dans la Campanie.
- ↑ Salerne, Italie, prov. de Salerne.
- ↑ Le royal ms. 16 G VI, fol. 133, ajoute en marge, « nommé Grimaut », se rapprochant ainsi du texte latin « minore ducis filio, nomine Grimoaldo ».
- ↑ L’impératrice Irène avait demandé à Charlemagne la main de sa fille Rotrude pour son fils Constantin V. Ils furent même fiancés (Vita Karoli magni, chap. xix). Ces fiançailles auraient eu lieu en 781, pendant le séjour que Charlemagne fit à Rome pour le couronnement de ses deux fils Pépin et Louis.
