[1]Quant li yvers fu trespassez et la novele saisons venue, li rois celebra la Resurrection en la vile d’Attigni. Après assembla ses oz pour ostoier en Bretaigne la petite. La petite Bretaigne est apelée à la difference de la Grant Bretaigne, qui or est dite Engleterre. Si vuelent aucun dire ci endroit que cele gent retienent encore la langue des anciens Bretons. Car quant li Anglois, qui d’une partie de Saisoigne vindrent qui a non Angle, orent la Grant Bretaigne porprise, il tuerent et chacierent les Bretons hors de cele ysle, et de cele nation vindrent Anglois. Lors s’enfui une partie de la gent du païs, la mer passerent et vindrent habiter es darreenes parties de France sor la grant mer par devers Occident[2], et cele gent sont cil qui or sont apelé Breton Bretonant. Cil poples fu jadis conquis et tributaires au roi Dagobert ; et pour ce que il ne voloient mais obeir, li rois i envoia Audulphe, un des princes de son palais[3], à grant ost. En poi de tens après, regrainst et abessa lor presumption ; lor ostages et plusors de lor nobles homes amena au roi, qui li
- ↑ Annales d’Éginhard, année 786.
- ↑ Les émigrations bretonnes en Armorique commencèrent vers 455, après les premières victoires remportées par les Anglo-Saxons sur les habitants de la Grande-Bretagne (de La Borderie, Histoire de la Bretagne, t. I, p. 247-256).
- ↑ Éginhard donne à Audulf le titre de « regiæ mensæ præpositus », tandis que les Annales Laurisenses et les Annales Tiliani lui donnent les titres de missus et de sénéchal, « una cum misso suo Audulfo sinescalco » (Pertz, Mon. Germ. hist., Scriptores, t. I, p. 168 et 221).
