non Rimi[1], pour tot le païs metre à destruction. Si est cil lieus là où li flueves de Wuisare et cil de Warharne[2] assemblent ; mais il retorna arriers au chastel de Hereburc, car il ne pooit oultre ostoier pour le fort yver et pour la grant habundance des iaues.
[3]Et pour ce que il avoit propos d’yverner en ces parties[4], ot-il mandé sa fame et ses enfanz, bone garde et seure de sa gent meismes lor lessa et puis chevaucha tot outre, o tot son ost, pour preer les viles et pour destruire les contrées de Saissoigne. Tot cel yver ostoia parmi la terre, une heure çà, autre là, sanz repos prendre, et degasta tot le païs par occisions et par embrasemenz, et non mie tant seulement par li, mes par ses menistres que il envoia en divers lieus pour le païs gaster. Ensi tribla et destruist la terre de Saisoigne, tant come li yvers dura. Et quant la novele saisons repaira et il ot fait venir de France genz et viandes et ce que mestiers li fu, il assembla un parlement de ses barons en un lieu qui a non Padrabonnes ; et quant les choses qui à ce parlement apartenoient furent ordenées et aucunes terminées, il s’en parti et s’en ala en un païs qui a non Bardengohont[5]. Là li fu dit que Albions et cil Wuitequins, qui maint grant domaches li avoit faiz, estoient en une terre de Saisoine qui a non Albine[6]. Premiere-
- ↑ Rimi, Rehme, prov. de Westphalie, cercle de Minden, sur le Weser.
- ↑ Warharne, la Werre.
- ↑ Annales d’Éginhard, année 785.
- ↑ On a, dans le texte latin : « Cum ibid hiemare decrevisset » ; ibi désignant Ehresbourg.
- ↑ Bardengohont, pays de Bardengau, dans le Hanovre, près de Lünebourg, sur l’Ilmenau.
- ↑ Le texte latin donne : « In transalbiana Saxonum regione », ce qui désigne la partie de la Saxe située au delà de l’Elbe.
