flueve de Guisare, en i lieu qui a non Hudbeki[1], fu deceue par l’agait et par la malice de lor anemis, et por ce maesmement que il ne se menoient pas si sagement com il deussent en tel peril de lor anemis. Car quant cil qui les chevaus de l’ost menoient aus pastures retornoient aus herberges, endroit l’eure de none, li Saine se mesloient ovec els, ausi come se il fussent de lor gent maismes, et par tele maniere entroient en lor tentes, et quant il estoient endormi, si les occioient ; et par tel malice en firent une heure moult grant occision. Mais totes voies, cil qui veilloient lor corurent sus quant il l’aperçurent et cil eschaperent par fuite. Quant ceste chose fu au roi nuncié, il se hasta de venir au plus tost que il pot, ceus qui s’enfuioient enchauça et en occist grant partie. Les ostages des Ostephalois reçut, atant retorna en France.
[2]En son retor, li vindrent message qui li nuncierent que Ragaudes, li Lombarz que il avoit fait patrice et duc de la cité d’Aquilée, fesoit conspiration contre lui et avoit ja plusors citez de Lombardie traites à son acort. Li rois, qui bien vit que il covenoit metre hastif conseil en ceste besoigne, pour Ragaude refrener et rendre la merite de sa traïson, entra en Lombardie moult hastivement, à grant plenté de bone gent. Ragaude, qui le païs trobloit et esmovoit contre li, prist et li fist le chief couper[3]. Les citez qui de li s’estoient desavoés reçut en autel maniere come eles estoient
- ↑ Hudbeki, auj. Lübbecke, Allemagne, prov. de Westphalie, près de Minden.
- ↑ Annales d’Éginhard, année 776.
- ↑ C’est d’après les Annales Mettenses, année 776, que les Grandes Chroniques disent que Rotgaud fut décapité « improvisumque Rothgaudum cepit et decollare præcepit », ou d’après la Chronique de Siegebert de Gembloux, année 776. Éginhard et les autres annales carolingiennes publiées dans le Recueil des historiens des Gaules et de la France, t. V, p. 14, 19, 26, 39, etc…, disent seulement qu’il fut tué.
