cité qui moult estoit lasse et aquise[1] pour le lonc siege[2]. Après ce, se rendirent totes celes de Lombardie en la condition et en la seigneurie des François, et quant li rois ot ensi tote Lombardie prise et souzmise à sa volenté et des choses ordené si com il li plut, il retorna en France et enmena le roi Desier pris et loié[3]. Algises, i siens fiuz en cui li Lombart avoient grant esperance, s’enfui à Constantin, l’empereor de Costantinoble, quant il vit que ses peres fu pris et que la terre fu perdue. Là demora et gasta le remanant de sa vie en une dignité que li empereres li ot donée[4]. Pris fu li rois Desiers, sa fame et sa fille et tuit si baron.[5]Tout rendi aus Romains quanque li Lombart leur avoient tolu ; ensi fu touz li roiaumes de Lombardie souzmis au roiaume de France et cesserent à regner li roi cc et iiii anz après lor commencement.
- ↑ Aquise, accablée.
- ↑ La ville de Pavie tomba au pouvoir de Charlemagne sans doute dans les premiers jours du mois de juin 774, car dès le 5 juin il prend déjà le titre de rex Francorum et Langobardorum (Regesta imperii, éd. Mühlbacher, t. I, p. 67, nos 159 b et 161).
- ↑ D’après Mabillon, Acta Sancotrum Ordinis sancti Benedicti, sæc. iii, pars ii, p. 446, Didier aurait fini ses jours au monastère de Corbie.
- ↑ Éginhard dit qu’il vieillit dans le rang et les honneurs du patriciat : « In patriciatus ordine atque honore consenuit. »
- ↑ Cette dernière phrase est empruntée à la Chronique de Sigebert de Gembloux, année 774.
