il eussent esté povre devant, pour la très grant plenté de richeces que il conquistrent en cele bataille. Tant troverent or et argent et precieuses despoilles et tresors du palais, que l’on doit cuidier que François tolissent à droit aus Huns, ce que il avoient toz jors tolu à tort aus autres nations. En cele guerre perirent dui princes de France tant seulement ; li uns ot non Herris, dux d’Aquilée[1], li autres ot non Girouz, uns des prevoz de Baiviere[2]. Cil Herris fu occis en une terre qui a non Liburnie, delez une cité qui a non Tarsatique[3] ; entrepris fu par les agaiz de ceus de cele cité. Li autres, qui avoit non Girouz, fu occis[4], soi tierz tant seulement en Pannonie, tandis com il chevauchoit parmi son ost et que il entendoit à amonester ses genz et à ordener ses batailles por combatre contre les Huns ; mais l’on ne sot qui l’occist. Ceste guerre ne fu pas moult domageuse aus François, et tot durast-ele longuement, si fu-ele fenie en bone prosperité.[5]Après ceste fu fenie cele de Saisoigne qui avant fu commencié et qui si longuement avoit duré. Bone fin ot totes voies, ja soit ce que ele grevast François sor toz les
- ↑ « Aericus duc Forojulanus. » Héric, duc de Frioul. C’est lui qui, en 796, avait dirigé la première attaque contre le Ring ou camp des Huns ; ce fut Pépin, fils de Charlemagne, qui le prit (Annales Fuldenses, année 796).
- ↑ « Geroldus Bajoriæ præfectus » (Éginhard).
- ↑ Auj. Tersatz, bourg de l’Istrie situé près de Fiume.
- ↑ Gerold, gouverneur de la Bavière, fut tué le 1er septembre 799 et enseveli dans le monastère de Reichenau dont il était le bienfaiteur (voir, dans Recueil des historiens des Gaules et de la France, t. V, p. 399 et 400, les vers qui lui sont consacrés et son épitaphe).
- ↑ Vita Karoli Magni, chap. xiv.
