estant, de cuivre fin et esmeré[1], faite en forme d’ome. En sa destre main tient i clef, la face atornée vers midi ; si ont sorti li Sarrazin que cele clef li doit chaoir de la main en cele année que uns rois sera nez en France, es darriens jors de cest siecle, qui tote la terre d’Espagne convertira à la foi crestiene. Et quant cil de la terre verront que cele clef sera chaue il repondront[2] lor richeces en terre et guerpiront Espagne.
[3]De l’or et des richeces que li roi et li prince d’Espagne donerent et presenterent à Karlemaine, fist-il faire l’eglise Saint Jaque par iii années que il demora ou païs. Patriarche et chanoines i establi selonc la constitution et la reule saint Ysidore le confessor. Noblement l’estora et la garni de campanes, de dras de soie, de livres, de textes, de croiz et de calices et d’autres aornemenz. Du remanent de l’or et de l’argent que il aporta d’Espagne estora-il et fonda maintes eglises quant il fu retornez en France ; c’est asavoir : l’eglise Nostre Dame Sainte Marie de Es la Chapele et l’eglise Saint Jaque en cele vile meismes. Une autre eglise de Saint Jaque en la cité de Bediers[4], et en la cité de Thoulose une autre de Saint Jaque. Et la quarte de Saint Jaque en Gascoigne, entre la cité d’Axa[5] et Saint Jehan de Sorges[6], sor le chemin aus pelerins, et la ve ausi de
- ↑ Esmeré, affiné.
- ↑ Repondront, cacheront, « gazis suis in terra repositis omnes fugient ».
- ↑ Turpini historia Karoli magni, chap. v (éd. F. Castets).
- ↑ Bediers, Béziers, « apud urbem Buerrensium ».
- ↑ Axa, auj. Dax, Landes.
- ↑ Auj. Sorde, Landes, arr. de Dax, cant. de Peyrehorade. Il y avait une abbaye de Bénédictins sous le vocable de saint Jean, Sanctus Johannes de Sordua. Cf. Joseph Bédier, op. cit., p. 334.
