Li viii parole de la desputoison de la foi que Rolant fesoit au Sarrazin et coment Rolant se combati à li pour soustenir la foi crestiene ; coment li jaianz le jeta souz li, mès il se releva tost, à l’aide de Dieu, et coment la citez fu prise quant li jaianz fu occis.
Li ix parole coment li aumaçors de Cordres et li rois de Sebile raparellierent bataille contre Karlemaine, puis que il furent eschapé de la cautele malicieuse que li Sarrazins firent pour les chevaus des noz espoanter, et du remede que li empereres trova contre ce, et coment li rois de Sebile fu occis, et li aumaçors eschapa, qui puis fu baptiziez.
Li x parole de la seigneurie que li empereres establi ou siege de Compostele, que tuit li roi et li prelat d’Espagne fussent obeissant au prelat du siege ; après lesquiex sont les principaus eglises de tout le mont, et puis coment li arcevesques Turpins, qui presenz fu partout, raconte les mors et la qualité Karlemaine.
- ↑ Le royal ms. 16 G VI, fol. 163, du Brit. Mus., ajoute en note : « Ce glorieuz apostre de Jhesu Crist, monseigneur saint Jaques, quant les apostres de Dieu furent en divers païs devisez et dispers pour la foi de Jhesu Crist preschier, monseigneur saint Jaques fu le premier qui en la terre de la Galice vint preschier la foy Jhesu Crist ; et là fut pris des menistres du roy Herode, et à Herode le menerent qui le fist mettre à mort en la cité de Galice ; et en ce temps y tenoit-on et gardoit la foi chrestienne. Mais puis, par les pechiez de ceulz qui ou païs habitoient, y fut la foy delaissiée et devinrent mescreans jusques au temps de l’emperiere Charlemainne. Ce Charlemainne conquist tout le païs et les royaumes d’environ son empire. »
