rent poil à poil la barbe du menton renversé. Ce ne fut pas tout : pour obvier à tous inconveniens, et qu’une autre fois elle ne pust servir au dict mestier, je fis venir nostre mareschal, qui l’encloua si bien qu’elle s’en souviendra, ne luy laissant qu’un petit trou d’arrousoir pour luy passer l’urine. Voilà comme je les etrille. Un chacun se print à rire là dessus, et sembla-on approuver ce chastiment par un sousris qui s’esleva en la compagnie.
Mais la B., mal contente de son mary, ne pust rire et ne finit de gronder jusqu’à ce qu’on luy eust dit : Hé bien ! Madame, qui vous tourmente ? Parlez.
J’ay beau remonstrer à ce gousteux de mary comme il se perd, luy et son honneur, et que c’est un très mauvais exemple pour sa famille ; mesmement, après luy en avoir beaucoup battu les oreilles, et n’en pouvant plus chevir, j’allay trouver son confesseur, et le suppliay de luy en toucher quelques mots. Mais on a beau prescher à qui ne veut entendre : ce vilain a le cœur si endurcy et est si esperduement affollé de ceste gallande, que mesme il ne s’en abstient pas les vendredis, ny moins les bons jours de feste. Samedy dernier, comme je revenois du Marché-Neuf, j’entray en la salle avec nostre fermier. Son chien, qui le suivoit, commença à aboyer si furieusement vers la cheminée, qui estoit couverte depuis le haut jusqu’en bas de tapisserie, que je fus contraincte d’aller voir ce que c’estoit. Je lève la tapisserie, où je vis mon mary, qui de furie canonoit le fort de nostre servante là dessous. Il sembloit que, de sa perche et d’un certain ramon pelu, il ramonoit quelque chose de nostre bonne marchan-
