Pour exalter les siens du costé paternel ;
Poussée de courroux, le va charger d’injure,
Que pour une, deux fois, jusque à trois, il endure,
Mais dict en se mocquant : Ce vous est de l’honneur
D’avoir ces deux parents si curieux de l’honneur.
La dame, bien fachée et plus qu’auparavant,
Luy dict : Holà ! marchand, ne blasmez mes parents ;
Car je vous fais certain qu’ils vallent bien les vostres,
Soit en bien et honneur, ou en toute autre chose.
Femme, si tes parents et ceux de leur estal
Estoyent hors de Paris, nous n’irions qu’à cheval,
Et vous, femmes, en carroce tiré de six chevaux,
Irions nous promener avec les principaux.
La femme, convoyteuse d’un si très grand’honneur,
Dict lors à son mary : Je cognois mon erreur ;
Dict, demandant pardon : Prenez-moy en pitié,
Car je vous veux servir en toute humilité.
Or donc, ne vous faschez, Marguerite m’amie,
Si je fais qu’un chacun sçache toute leur vie.
