48 BLASONS ANATOMIQUES
BLASON DU VENTRE
CL. [CHAPUYS] .
O ventre rond, ventre joly, Ventre sur tous le mieulx poly, Ventre plus blanc que n’est albastre, Ventre en esté plus froid que plastre, Dont le toucher rend la main froide, Et je ne sçay quoy chault et roide. Ventre qui es plain de bon heur, Ventre où tous membres font honneur, Ventre qui sçais l’homme contraindre A demander, où fort se plaindre. Ventre qui bien sçais en tous temps L’homme attirer où tu prétends, Et qui si beau te voit vestu Peult bien juger que tu es nu. Doncques celuy heureux seroit Qui ventre nud te tasteroit Encores plus heureux sera, Qui dessus toy reposera. Ventre qui as bas la fontaine Pour recréer nature humaine : Ventre, nul est qui le te nye, Qu’en toy ne soit le fruict de vie Ventre habile à recepvoir Cela de quoy peulx concepvoir ; Ventre qui en donnes et prens, Et qui te preste, tu luy rens. Ventre qui es si digne chose Que dedans toy l’enfant repose.
