Page:Van Bever - Blasons anatomiques du corps féminin, 1907.djvu/27

24

BLASONS ANATOMIQUES

Servant au corps et à l’esprit,
Oreille qu’onc on ne reprit
D’estre ayse d’ouyr mal parler
Et qui sçait ce qu’il fault celer.
Oreille assez bien approuvée,
Oreille au ciel tousjours levée,
Dont seulement le bout qui passe
Enrichit ceste belle face.
Oreille à qui les passionnez
Les desvoiez, les affectionnez,
Les peines, soucys, et tormens,
Les plaisirs, et contentemens
Qui sont aux autres sens celez
Sont à bien bon droict révélez,
Pour accroistre en luy le plaisir
Ou de l’autre se dessaisir.
Oreille qui n’est jamais close,
Quant on dit quelque bonne chose,
Mais quand en avant on luy boute
Propos fascheux, elle n’oyt goutte.
Oreille tant saige et discrète,
Oreille que tant je regrete,
Quant il me convient absenter
Sans luy pouvoir mon cas compter.
Oreille qui ne veult souffrir
Qu’autre puisse service offrir
A la dame que j’ayme bien
Sinon celuy qui est tout sien,
Que plus qu’aultre elle favorise
Et qu’a bon droit elle auctorise.
Oreille trop plus clair oyant
Que l’oeil ne peut estre voyant,