et principalemêt à Rome, côme dit Columelle au liure troisieme des dits des Anciès, que Marcus Porcius Cato (duquel la vie et doctrine fut exemple à tout le peuple Romain) ainsi côme se sentât scandalizé, dist un iour au Senat : Exclamation de Marcus Cato côtre les delices de son têps. O peres côscripts, o Rome malheureuse, ie ne sçay plus en quel têps nous sommes tôbez, depuis que i’ay veu en Rome telles monstruositez, c’est a sçauoir les hommes porter perroquets sur leurs mains, et veoir les femmes nourrir et auoir en delices les chiens. Retournons à noz oyseaux, qui se trouuent par delà, d’autre espece et fort estranges (comme est celuy qu’ils appellent Toucan, duquel nous auons parlé cy deuant) tous differens à ceux de nostre hemisphere : comme pouuez plus clerement voir par ceux qui nous sont representez en ce liure, et de plusieurs autres, dont i’ay apporté quelques corps garniz de plumes, les unes iaunes, rouges, vertes, pourprées, azurées, et de plusieurs autres couleurs : qui ont esté presentez au Roy, comme choses singulieres, et qui n’auoyent oncques esté veues par deça. Il reste à descrire quelques autres oyseaux assez rares et estranges : Panou, oyseau estrange. entre lesquels se trouue une espece de mesme grandeur et couleur que petis corbeaux, sinon qu’ils ont le deuant de la poitrine rouge, comme sang et se nomme Panou[1], son bec est cendré, et ne vit d’autre chose, Jeranhuua, espece de palmier. sinon d’une espece de palmier, nommé Jerahuua. Il s’en trouue d’autres erans comme noz
- ↑ Léry donne une description à peu près identique du panou et du quapian (§ xi).
