chargez d’ouïtres haut et bas. Arbres chargez d’ouïtres et par quelle raison. Vous deuez entendre que quãd la mer s’enfle elle iette un flot assez loing en terre, deux fois en vingt et quatre heures, et que l’eau couure le plus souuent ces arbres et arbustes, principalement les moins eleuez. Lors ces ouïtres estant de soy aucunement visqueuses, se prennent et lient contre les branches, mais en abondâce incroyable : tellement que les Sauuages quand ils en veulent manger, couppent les branches ainsi chargées, comme une branche de poirier chargée de poires, et les emportent : et en mangent plus coustumieremèt que des plus grosses, qui sont en la mer : pourtant disent-ils, qu’elles sont de meilleur goust, plus saines, et qui moins engendrent fleures, que les autres.
CHAPITRE XXVII.
Ayant particulierement traité des lieux, où auons fait plus long seiour après auoir pris terre, et de celuy principalement ou aujourd’hui habite le Seigneur de Villegagnon, et autres
