de Cancer, Solstice d’esté. où est le solstice d’esté. Parquoy il fait six signes partant de l’Equinoctial à chacun de ces tropiques. Les Anciens ont estimé ceste contrée ou zone entre les tropiques, estre inhabitable pour les excessiues chaleurs, ainsi que celles qui sont prochaines aux deux poles, pour estre trop froides. Toutesfois depuis quelque temps en ça, ceste zone a esté descouuerte par nauigatiôs, et habitée, pour estre fertile et abondante en plusieurs bonnes choses, nonobstant les chaleurs : comme les isles de Saint Homer[1] et autres, dont nous parlerons cy apres. Aucuns voulans soubs cette ligne comparer la froideur de la nuyt, à la chaleur du iour, ont pris argument, qu’il y pouuoit, pour ce regard, auoir bône temperature, outre plusieurs autres raisons que ie laisseray pour le present. Temperature de l’air sous la ligne Equinoctiale. La chaleur, quand nous y passames, ne me sembla gueres plus vehemête, qu’elle est icy à la Saint Iean. Au reste il y a force tonnerres, pluyes et tempestes. Isle des Rats. Et pour ce es isles de S. Homer, comme aussi en une autre isle, nommée l’isle des Rats, y a autant de verdure qu’il est possible, et n’y a chose qui monstre adustion quelconque. Isle de S. Homer, ou S. Thomas. Ces isles soubs la ligne Equinoctiale sont marquées en noz cartes marines, S. Homer, ou S. Thomas, habitées auiourd’huy par les Portugais, combien qu’elles ne soient si fertiles que quelques autres : vray est qu’il s’y recuille
- ↑ L’île Saint-Homer et l’île des Rats paraissent correspondre à l’île Saint-Thomas et aux îlots qui en dépendent (das Cabras, Santa-Anna, das Rôlas, Macaco, Gabado, Formoso, Saô Miguel, Joanna de Souzo, Coco.)
