confrère, à ce commis, pour icelle estre employée aux fins de l’acte cappitulere du (sic) ................ présent mois. Moyennant lequel paiemt, reel et actuel, lesditz seigneurs comtes en ont tenu et tiennent quitte lesdtes religieuzes contractantes et celles qui composeront cy apprés ledict monnastere ; et pour le regard des quinze centz liures restant, lesquels doiuent estre employez pour la décoration et réparation de ladte chapelle du glorieux sainct Julhen, patron de ladte esglize : seront payés par lesdictes religieuzes aux termes qui seront stipulés par lesdictz seigneurs comtes avec les artisans et ouvriers qui seront employés ausdictes réparations. Et à ce faire, ont présenté pour caution M. Jean Valetz, coner du roy, esleu en leslection de ceste ville, et M. Jean Duranty, bourgeois de la ville de Sainct-Flour, a ce présent : lequel a promis d’intervenir aux contracts qui seront sur ce passés, et fournir deniers jusques a concurrance de ladicte somme de quinze centz liures, selon les pactes et conventions portées par lesdictz contractz.
« Et pour ce qui est dudt droit d’indempnité pour raison des dictes acquizitions, a cauze que lesdictz fondz passent en main morte, en optant par lesdictes religieuzes, suivant l’option a elles referée par les articles cy-deuant conuenus entre les conseilz des partyes : seront tenues et s’obligent par ces présentes, elles et celles qui leur succéderont audict monastère, de payer esdictz seigneurs comtes et chappitre, de trente en trente ans, les deux tiers du droit de lodz et ventes, à quoi il se trouuera monter a raison du prix des dictes acquisitions, et au sixiesme denier ; duquel droict de lodz et vente, a raison desditz deux tiers, sera faict un estat, tant des acquizitions présentes pour le faict de ladicte closture, que de celles qu’elles pourront faire par ingrez en religion ou autremt, affin que ledict estat puisse seruir a laduenir aux successeurs desdictes partyes, affin d’esuiter a procès et contention ; et le tout sans préiudice des cens et rentes auxquels lesdictz fondz a acquérir par lesdictes religieuzes, en quelque manière que ce soit, se trouveront subiectz et asservys ; les-
