Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/187

178

mémoires

secours cesserent de brauer : non toutesfois de se tenir tousiours en deuoir de deffence à l’endroit mesmement d’vn esperon et plate-forme qu’ils auoient fait au dehors de ladicte ville à l’endroict de ladicte fontaine et porte de Galeys : dont ils offensoient le plus souuent les nostres tellement qu’il fut aduisé de dresser de ce costé la nouuelle batterie. Ce que fust faict le samedy. Et le soir dudit iour sans attendre qu’il y eust trop grande bresche fut donné assaut si furieux que ledict esperon fust gagné et ne fut sans quelque perte des nostres, et d’vn bien grand nombre d’offencez et blessez, mesmement des plus grands et segnallez : car ledit sieur de Sainct Vidal a esté aigrement blessé à la teste à l’endroict de l’œil gauche en danger de le perdre. Et ledit sieur Vicomte de Polignac ietté par terre et releué par vn braue soldat, le sieur de Chaste, enseigne de la cōpagnie dudit sieur de Sainct Vidal blessé en vn bras. Ledict sieur de la Tour Maubourg pareillement, et plusieurs autres qui à l’exemple des grās se hazardoient au plus grād peril et dāger auquel ils attribuaiēt le commencement de la victoire. Comme à la verité apres auoir gaigné ledict esperon, et à la faueur d’iceluy, le lendemain Dimenche fut aussi gaigné vn autre esperon et plate-forme, qui estoit et flancquoit l’autre bout de la muraille ou la bresche estoit commencee, et les rebelles contraints d’abandōner leur fossé et cazemates dōt ils faisoient leur principalle deffence, et se retirer dās la ville, en continuant tousiours de faire la meilleure et plus grande résistance qu’ils pouuoient, à quoy ils ne s’espargnoient aucunement faisans tousiours batterie et mosquetterie de plusieurs endroits de ladite ville, offençant les nostres qui estoient campez dans le fossé ausdictes plate-formes. Toutes fois pressez de nostre batterie et du bon et grand deuoir du soldat, incontinent à faire de bien en mieux, et ayāt de leur costé aussi souffert grād perte et dommage, commencerēt de s’abbaisser et perdre courage. Et comme il est vray-semblable et que depuis a esté vérifié d’entrer en confusion et defiance de plus grande resistāce. Tellement que les principaux de ceste faction dissimulans l’entreprise à leurs compaignons : prindrent resolution de quicter et de se sauuer, au peril et hazard de ceux qui ne scauoiēt leur secret : car sans attendre plus grād loisir voyāt qu’on se preparoit à vn assaut general, se sauuerent par une petite et fausse porte du chasteau, ayant au prealable faict