Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/185

176

mémoires

modé les forces qu’il y auoit amené et qu’il y auoit retourné sans grand perte ny dommage de quelque peu de refreschissement. Lesdits sieurs gouuerneurs de Vellay et Viuerois auroient pris resolutiō pour la deliurance desdits pays, de l’expedition dudit Sainct Agreue. S’estant à ceste fin trouuez et assemblez en la ville du Puy, fait leur estat à tout ce qui appartenoit à vne affaire de telle importance et consequence. Premierement de leurs compagnies de gēsdarmes d’autre cauallerie des sieurs gentils-hommes desdits pays et autres leurs amis, iusques au nōbre de cinq à six cens bons cheuaux, de cinquante à soixante enseignes de gens de pied, qu’ils ont trouué moyen de leuer de longue main ou retirez par ledit sieur de Sainct Vidal dudit pais d’Auuergne apres l’expedition par luy faicte, et des pays de la Bourgongne et de Forests. Et apres encores de dix à douze pieces d’artillerie, les six qui estoient en la ville du Puy. Deux qui ont esté emmenees de l’arcenat de Lyon. Deux qui furēt ramenees dudit pais d’Auuergne. Et les autres que ledit sieur de Tournon auoit fait conduire et amener de la ville d’Annonay auec tout l’attirail, poudres, boulets et munitions necessaires. Tellement qu’estant le tout preparé à temps, ladicte ville de Sainct Agreue fust assiegee le Vendredi dix-septiesme iour du mois de septēbre mil cinq cens quatre vingts. Et faict approches par les nostres à la portée de l’harquebouse. Il ne faut obmettre cependāt de dire que ce ne fust sans grande peine et difficulté, à cause des grans et impetueux vens qui auoient soufflé plusieurs iours auparauant et d’vne forte et violente pluye qu’il feist apres, et pendant lesdictes approches qui les gardoit de cāper n’ayant couuert ny maison ny buron pour ce loger. Car l’ennemy preuoyant le siege auoit bruslé tout à l’entour. Et encores venant tout frais de la ville et se seruant de l’iniure du temps et de la faueur du lieu qui est en haut, s’efforcoient par tous moyens d’endōmager les nostres. Mais pour cela rien descouragez ils ne prindrēt pas moins leurs cartiers tout à l’entour de ladicte ville. Premierement le sieur de Saint Vidal auquel pour les merites de sa grande valleur et prouesse et plus ancienne experience au fait de la guerre, ledit sieur de Tournon encores que ceste expédition se presentast en son gouuornement ceda l’honneur de cōmander eu icelle, se logea au faux bourg bruslé de l’Estra, ledit sieur de Tournon à l’endroict de la fontaine et de la porte de Galeys. De-