Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/167

158

mémoires

desdicts vendeurs, et au nom susdict à la prouchaine venant feste de Nohel rendre et faire tenir lad. somme en la ville de Clairmont en Auvernhe en la maison de discret homme et saige… Chardon, advocat en la sénéchaussée et siege presidial dud. Clairmont, en laquelle lesdicts sieurs vendeurs ont esleu domicile audict effect, et pour la reception de ladicte somme, à peyne de tous despans domaiges et intherestz. Et si de presant ou pour l’advenir lesdictes terre, seigneurie et domaines sus vendus estoient de plus grande valleur que ladicte somme de douze mil deux cens quarante livres, toute la plus value quelle qu’elle soict lesdicts sieurs vendeurs, audict nom qu’ils precedent, ont quicté et quictent par ces presantes audict sieur juge maige, acquereur et se sont despoulhié, devestent et despoulhent desdictes terre et seigneurie, domaines, leurs appartenances et dépendances et autres choses sus specifiées par eulx cy dessus vendues et non réservées et en ont investi led. sieur acquereur et ces hoirs et successeurs à l’advenir et par le baille et tradition de la pleume de moy dict notaire entre ses mains, voulant et consantant qu’il en puisse prendre incontinant et quand bon luy semblera la vraye, reelle et actuelle possession et jouissance et jusques à l’avoir prinse, confesser la tenir dudict seigneur acquereur au nom de constitut et précaire ; et en signe de vraye vente pour le garentaige d’icelle et choses vendues lesdicts sieurs vendeurs, audict nom que dessus, ont remis et presentement deslivré audict sieur acquereur tant les susdictes deux lettres missives que les susdicts contrats d’acquisition et de ratification d’icelle, ausquels lesdicts sieurs vendeurs ont subrogés et subrogent ledict sieur acquereur en leurs droictes actions et yppotheques et de ladicte maison de Bonnefoy, et de tout l’ordre, à l’effect de ladicte vente pour jouir par icelluy sieur acquereur de l’effect desdicts contracts, tout ainsin que lesdicts sieurs vendeurs, les religieux de la Chartreuse de Bonnefoy et tout l’ordre, auroient cy devant peu faire en vertu d’iceulx sans en rien reserver que la haulte justice desdictes Estables et autres villaiges susdicts en despendants sus reservés, et excepté comme dict est ; et de