Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/166

157

variétés historiques et biographiques

par M^e Plaignes notaire royal de Montbrison, et tout ainsin que ladicte terre et seigneurie s’estend et comporte et que, tant ledict seigneur de Charmazel ses predecesseurs, que après ladicte acquisition lesdicts sieurs religieux Chartreux dudict couvent de Bonnefoy l’ont jouye et possedée avec toutes ses appartenances et dépendances et comme si elles estoient icy especiffiées designées et confinées par le menu, sans aulcune chose s’y retenir, ny reserver que seulement la haulte justice des lieux et villaiges des Estables, Vacheresses, les Effruictz, Choumene, le Mas et les Esgaux qui sont du mandement et seigneurie desdictes Estables, avec les droits appartenans et depandans de ladicte haulte justice : laquelle haulte justice desdicts lieux et villaiges n’est comprinse en la présente vente, ains apartiendra audict couvent de Bonnefoy comme reservée et non comprinse comme dict est en la presante vente ; et tout le surplus du contenu au susdict contract d’acquisition, du cinquiesme decembre mil six cens dix sept, sera et appartiendra audict sieur juge maige acquereur. La presente vente faicte et passée par lesdicts sieurs vendeurs audict sieur acquereur pour et moyenant le prix et somme de douze mil deux cens quarante livres tournois qu’ils ont dict estre juste et raisonnable suivant la vraye valeur de la chose vendue et commune estimation d’icelle, en déduction duquel prix ledict sieur de Bertrand achepteur a payé reallement et contant la somme de huict mil deux cens quarante livres tournois ou escus sol, doublons d’Hespanie, pistolets, quatruples et doublons d’Italie, quarts d’escus, testons, pièces de dix sols et autres monnayes ayant cours au presant Royaume de France comptées et nombrées et par lesdict sieurs Dom de Bretanges et Dom Maignet, procureurs, et au nom que dessus receue et emboursée en presence de nousdict notaire et tesmoingts dont se sont contentés et en ont quicté et quictent ledict sieur acquereur et les siens à l’advenir avec promesse de ne leur en rien plus demander ; et les quatre mil livres restans pour parfaire l’entier prix de lad. vente led. sieur juge maige, acquereur, a promis et promect payer audict sieur de Bretanges, prieur susdict, l’ung