après led. dernier jour d’aoust et ainsin continuant jusques au parfaict paiement du prix de lad. ferme ; lesquels moulin, maison et pré, madicte dame promect faire jouir en paix aud. preneur et quitte de tailles ; de plus a promis led. preneur paier à madicte dame, et à chescun feste sainct Michel, seigle deux cartons mesure du Puy commençant à la prochaine et ainsin continuant tant qu’il sera tenancier, et ce à cause de la permission que madicte dame a donné aud. preneur de esdifier ung four dans la susd. maison pour luy cuire le pain pour l’usaige de lad. maison seulement, ou pour le cens que led. susdict pré, ici confiné, doit à madicte dame dependant de sa baronnye de Prades en toute justice, dont madicte dame se reserve tous les droicts seigneuriaux. Et ne sera permis aud. preneur de ne vendre, alliener, ne transiger de la susdicte maison, molin et pré sans la permission de mad. dame ou des siens, rendre le tout en fin d’afferme en bon et deu estat. Outre ce a promis led. preneur paier à madicte dame pour l’usaige et service de sa maison quatre rames de papier pour chascune année, tant qu’il ou les siens seront en jouissance, paiables à la requeste et volonté de mad. dame. Pacte accordé par mad. dame que led. preneur prendra du bois pour son chaufaige dans les bois de madicte dame et pour l’entretien dud. moulin pour les menues réparations au moins dommageable, et ainsin que dessus madicte dame a promis faire jouir en paix et led. preneur paier les susdictes sommes aux dictes termes soubs obligation de sa personne et biens que a soubmis à toutes courts.
Faict aud. Prades, dans le chasteau de madicte dame, après midy, en presencede Me Anthoine Loude, praticien de Limagne, à présent agent de madicte dame, signé avec madicte dame et Pierre Michel, tailleur dud. Prades, qui ni led. preneur n’ont sceu signer requis. Le dix huictiesme decembre mil six cents cinquante sept. »
Loude, pn.
Octroyé de Prades,
