Page:Schiff - Marie de Gournay.djvu/108

Le texte de cette page a été corrigé et est conforme au fac-similé.

doubte, s’ils sçavent composer un Livre ou non : car ils nous 344 levent ce doubte, édifians les leurs par le labeur d’autruy, je dis 345 en detail et en gros : de peur que cet honneste homme, que les Essais raillent de mesme vice en la saison de leur Autheur, ne demeurast sans compagnie. Si je daignois prendre la peine de proteger les Dames, 346 j’aurois bien tost recouvré mes seconds en Socrates, Platon, Plutarque, Seneque, Anthistenes, ou encores, Sainct Basile, Sainct Hierosme, et tels esprits, ausquels ces docteurs donnent si librement le dementy et le soufflet, quand ils font difference, sur tout difference universelle, aux merites et facultez des deux sexes. 347 Mais outre qu’ils sont asses 348 punis de monstrer leur bestise 349 inconsiderée, condamnans le particulier par le general : (accordé qu’en general 350 la suffisance des femmes fust inferieure) leur bestise aussi par l’audace de mespriser le jugement de si grands personnages que ceux-là, sans parler des modernes, et le decret éternel de Dieu mesme, qui ne faict qu’une seule creation des deux sexes, et de plus, honnore les femmes en son Histoire saincte de tous les dons et 351 faveurs qu’il départ aux hommes, ainsi que j’ay representé plus amplement en l’Egalité d’eux et d’elles ; 352 ils souffriront, s’il leur plaist, 353 qu’on leur die, que nous ne sçavons pas s’ils sont capables de deffaire les femmes par la souveraine loy de leur bon plaisir, qui les condamne 354 à l’insuffisance, ou s’il y a de la gloire pour eux en leurs efforts de les effacer par le mespris : 355 mais nous cognoissons 356 plusieurs