» — Vee dicon gentilastre ! hau ! sainct Marsault, adjouda mu ! Hau ! hau ! laissas a quo au nom de Dious, et ne me touquas gron[1].
» À quoy, dist Pantagruel :
» — À ceste heure, parles-tu naturellement.
» Et ainsi le laissa ; car le paoure Limosin conchioit toutes ses chausses, qui estoyent faictes à queue de merluz, et non à plain fonds, dont dit Pantagruel :
» — Au diable soit le mascherabe[2] !
» Et le laissa. Mais ce luy fut un tel remordz toute sa vie, et tant feut altéré, qu’il disoit souvent que Pantagruel le tenoit à la gorge. Et, après quelques années, mourut de la mort Roland, ce faisant la vengeance divine, et nous demonstrant ce que dict le philosophe, et Aule-Gelle, qu’il nous convient parler selon le languaige usité. Et, comme disait Octavia Auguste, qu’il fault eviter les mots espaves[3] en pareille