Mais Mars, en termes effrontez,
Dit : Qui bien ayme bien chastie.
Aux bons François des deux costez
La propre palme est une ortie.
Le mot d’ennemy se suspent,
On confond les leurs et les nostres ;
Dès qu’il eschape on s’en repent,
Le mot d’ennemy se suspent ;
Cependant est rougy l’arpent
Et par les uns et par les autres.
Le mot d’ennemy se suspent,
On confond les leurs et les nostres.
Battre celuy qui n’en peut mais,
Vrayment, c’est une belle affaire !
Il ne le faut plus desormais
Battre celuy qui n’en peut mais.
Soit pour un car, soit pour un mais,
La raison deffend de le faire.
Battre celuy qui n’en peut mais,
Vrayment, c’est une belle affaire !
Autant qu’un autre en sa maison,
Louys en la sienne doit estre ;
ll veut Paris, il a raison :
Autant qu’un autre en sa maison,
Et ce grand mot est de saison,
ll faut que le roy soit le maistre.
Autant qu’un autre en sa maison,
Louys en la sienne doit estre.
C’est assez, noble Parlement,
Faisons la paix, je vous en prie ;
Saint-Germain parle doucement[1].
- ↑ À la suite d’une première conférence tenue à Ruel, du 28
