tiendra, a fin qu’ilz n’en puissent pretêdre aucune cause d’ignorãce, & pource que de ces presentes lã pourra auoir affaire en plusieurs & diuers lieux, Nous voulõs que au vidimus d’icelles, fait soubz séel Royal, ou par l’vn de noz amez & feaulx notaires & secretaires, foy soit adioustée, come à ce present original: Auquel en tesmoing de ce, nous auons faict mettre nostre séel. Dõné à Fontainebleau le quatriesme iour de Ianuier, L’an de grace 1553, Et de nostre regne le septiesme. Ainsi signé sur le reply, Par le Roy, Le Seigneur d’Auançon maistre des requestes ordinaire de l’hostel present. Signé Clausse. Et séellé a double queue, du grand seau, de cire iaulne.
Suyvant le priuilege du Roy, octroyé a P. de Ronsard Vandomois, il est permis a la Veuue Maurice de la Porte, d’imprimer, ou faire imprimer les quatre premiers liures des odes dudict Ronsard, dédiés au Roy, & son Bocage, dedié a P. de Paschal du bas pays de Languedoc, iusques au terme de six ans finis & acomplis, a commencer du iour que ledict Bocage a odes seront acheués d’imprimer, Comme il appert par un transport que ledict de Ronsard en à fait a ladicte Veuue.
