Page:Ronsard - Œuvres complètes, Garnier, 1923, tome 2.djvu/74

Cette page n’a pas encore été corrigée

Te quoque Luna traho, quamvis Themesaa labores Aera tuos minuant. Tu sçais Lune que peut l’amoureuse poison.) Pan estant amoureux de la Lune, eut la jouyssance d’elle, luy don nant la toison d’une brebis blanche. Virgile en ses Georgiques a touché ceste fable, disant ainsi, Munere sic niveo lanœ (si credere dignum est) Pan Deus Arcadiœ captant te Luna fefellit. Et vous astres insignes.) Il dit que les astres le doivent favoriser en son amour, et que la plus grande part d’iceux ne reluit au ciel, que pour avoir autrefois aimé, comme Caliston, les Pleiades, et mille autres qui ont esté esti mées dignes de la demeure du ciel, pour ceste mesme raison.


CHANSON

Bon jour mon cœur, bon jour ma douce vie,
Bon jour mon œil, bon jour ma chere amie :
Hé bon jour ma toute belle,
Ma mignardise bon jour,
Mes delices, mon amour.
Mon doux printemps, ma douce fleur nouvelle,
Mon doux plaisir, ma douce colombelle,
Mon passereau, ma gente tourterelle,
Bon jour ma douce rebelle.
Je veux mourir, si plus on me reproche
Que mon service est plus froid qu’une roche
T’abandonnant, ma maistresse,
Pour aller suyvre le Roy,
Mendiant je ne sçay quoy,