autour duquel ils dansoient tout armez, crians et faisans entreheurter leurs boucliers, de peur que Saturne ne l’entendist. Callimach, [Hymnus in Jovem, 52-54] OuXa 81 y.o’-ipvJTsç ve tzs.q TrpoXiv to^pr^Tovco, TeJ/£a 7zsTi t ’[0v-iz, "va Kpôvo ; o>!>a<xiv r,y r,v ’AurnSoç eîffatot, /.a : (jlt ( œôo xcrjpîÇovTO^. Arat aussi le raconte. De là les Prestres de Cybele furent nommez Curetés, et retindrent ceste manière de danser en armes. Voy Ovide au quatriesme des Fastes. Le Tan.) La fureur. Ainsi prennent souvent les Grecs le mot olv-poç. Qui me joint.) C’est à dire, qui me tient en serre près du cœur.
CXCI
Bien que les champs, les fleuves, et les lieux,
Les monts, les bois, que j’ay laissez derrière,
Me tiennent loin de ma douce guerrière,
Astre fatal, d’où s’escoule mon mieux :
Quelque Daimon par le congé des cieux,
Qui presidoit à mon ardeur première,
Conduit tousjours d’une aisle coustumiere
Sa belle image au séjour de mes yeux.
Toutes les nuicts, impatient de haste,
Entre mes bras je rembrasse et retaste
Son vain portrait en cent formes trompeur :
Mais quand il voit que content je sommeille,
Rompant mon aise il s’enfuit, et m’esveille
Seul en mon lict, plein de honte et de peur.
MURET
Bien que les champs.) Combien qu’il soit loin de sa dame, si est-ce que quelque bon ange la luy fait voir
