Ni agun ſon chaual nol teine a lent
Mees lo reis uolc eſtre en un plus corent
Tros que fun el caſtel non ſe catent
E quan fun la de dinz murs lo defent
E girarz eſt de fors qui leschac prent
Lo cons girarz ſen torne o ſes nebouz
Quan co fun de lenchauz partiz e rouz
Cent en trobet tenent anne crouz
Tuit li crident mercet enſenble a uouz
Lo cons e ſuners bos les ociſt touz
Non pout mudar uer lui dex nos corouz
Per quei tornet de gerre girarz de ſouz
Vn moſter ac el plan ſoz uau color
Abat i a e monges e prior
Mil ch’ual’r lai entrent por pour
Girarz les arſt a fuc e a calor
Veient les uelz carlon lenperedor
Grant tort i fait uer deu e ſon ſeinor
Non pout mudar dan folco que nen plor
Que deuenrem diſ el nos pechador
Que feeltat non garde lo redentor
Non pout longes durar ſenz deſenor
Eſchat a pres girarz tant grant con uol
Vai ſen a roſſillon o tornar ſol
E ſe li cons a ioi e li reis dol
Non lait bon cheual’r tro a baiol
Ne tenſar en moſter ne ſoz aruol
Teſte ni encenſer croiz ne orcol
Tot done a cheualers quanque lai tol
Pois les meſt de la gerre en tal tribol
Non pout ome baillar ſaiue ni fol
Non laucie o nel pende o nel afol
Cinc anz unt pois tengude eiſi la gerre
Que anz ne ſencontrerent en plaine terre
Souent le uait lo reis a gant gent querre
Noil laiſſe borc ne uile ne cimentere
Per hoc tant a girarz amis enquerre
Nol pout legirement lo reis conquere
Sen caſtel non lenclot e en lenſerre
Car ueit de girart nel pout trobar
A plane terre en camp ſi com ſol far
Mandet totes ſas genz tros quen la mar
Non remaſt cheualers ne nuſ ris bar
Ni borzes ne ſiruenz qui poiſſe annar
Tuit uant a roſſillon ꝑ aſſeiar
Fun arberges baſtir e traus drecar
E fun arbres rezir uinnes trencar
E girarz e li ſeu ſenc a armar
Souent loſt eſtormir fors e lancar
E folco e gilberz de ſenegar
E carles ſafichet de ſoiornar
Tros quen ueie lorguel creſte obaiſſar
