Comme estant ordonné. Ceus n’ont pas pareille opinion de Dieu que le philosophe, qui osent alonger ou racourcir ou rechanger ses ordonnances. La confusion et dissipation de l’Église est venue, par faute de garder cecy quand les hommes se fiant en leur sagesse ont osé ajouster à la parolle de Dieu.
Tu ne te plaindras jamais. Les fideles ne se doivent plaindre des afflictions, mais croire que Dieu leur envoie pour.leur tres grand bien. Car les persécutions sont profitables, honorables et desirables aus enfants de Dieu.
Celuy qui pense estre blecé se resjouïsse. Cecy se peut raporter à nostre religion, et c’est une chose bien contraire à la chair que de se resjouir aus tourmens, se penser honoré en sa honte, fortifié en sa foiblesse, et béni en son malheur. Cette faveur est baillée aus esleùs par la vertu de l’esprit qui’s’appelle consolateur, et huile de resjouissance, de laquelle nous avons escript sur l’epistre aus Hebrieus, -ce que nous espérons Dieu aydant mettre en lumiere. C’est ce que le fils de Dieu nous enseigne en son Evangile selon Saint Mathieu au cinquiesme chapitre. Vous estes bien heureus quand les hommes vous maudissent, et vous persécutent et mentent de vous, en disant tous les maus du monde pour l’amour de moy. Resjouissés vous et sautés de joye, car vostre loyer est tres grand au ciel. L’on verra ce que j’ay dit du verbe à^arii (agalliasthe). Nous devons donc espérer de Dieu ce qu’il nous promet par Ésaïe au chapitre XXV. Il destruira la mort à tousjours, il essuiera les larmes de toutes leurs faces, et ostera la vergoigne de son peuple. Car il estoit moqué. C’est le Seigneur, nous nous sommes attendus à luy, aussi nous serons en liesse et nous resjouïrons en son salut. Le
