Page:Reveille-matin des François, 1574.djvu/39

D I A L O G I S M E.

Introduiſans au lieu du Paganiſme
vne Sodome, vn horrible Atheiſme
Dedans la Cour, où les Lis ſont fenez,
Et les Crapaux en France retournez.
Pol. Mais dequoy ſert ce mors & ce cheueſtre
Et ce ſerment qui pend à ta feneſ‍tſtre ?
Pa. C’eſ‍tſt mon amy, dont ie bride les veaux,
Qui s’amuſans à mes Edits nouueaux
Croyent a tout ce que Charle leur iure :
Le Serment, c'eſ‍tſt ma verge de Mercure,
Dequoy i endors & charme l’Huguenot,
Et du ſommeil ie l'enuoye à la Mort.
Pol. Et ſous tes piez ? Pa. les deux piliers de France
(La Pieté & l’egale balance
De la iuſ‍tſtice, honteuſe de nos Roys,
Qui font paſ‍ſſ‍ſer leurs plaiſirs pour les loix)
Iadis debout, & maintenant par terre
Sous vne Paix plus barbare que Guerre.
Pol. Mais pourquoy donc mauuaiſe te fais-tu
Nommer la Paix, compagne de Vertu ?
Pa. Suis-ie pas Paix, qui en paix eternelle,
En couche tel, qui iamais ne s’eſueille :
Plus ne font guerre, & plus n’ont d’ennemis,
Ceux qui ſous moy repoſent endormis,
Et ſur la Foy que Charles a iuree.
Pol. Pourquoy tiens-tu ceſ‍tſte lame ferree,
Qui ſerroit mieux a vn Mars inhumain ?
Pa. Pour faire encore vn beau coup de ma main :
Sous l’amitié de Noces confermee,
Surprendre au lic‍tc‍t la force deſarmee,
Meſlant le ſang des Nobles maſ‍ſſ‍ſacrez