ſe cognoiſſent que par coniecture.) On verra plus
de punitions, ſur les Rois qui ont voulu eſtre clemens
aux deſpens de l’honneur de Dieu, que ſur
ceux qui ont eſté trop cruels. Saul eſt puny pour
clemence : Salomon eſt loué de la ſeuerité : Ioſué,
ayant ſans aucune humanité tué trente vn Roy,
eſt loué : Saul, & Achab, pour en auoir laiſſé eſchapper
vn, ſont condamnez à mort : c’eſt vne vertu
fort recommandable aux Princes que clemence,
mais le zele de la Religion, eſt plus commandé
que la clemence.
De vouloir perſuader qu’il n’eſt point vtile, de
prendre punition de ceſte conſpiration ſur la royne
d’Eſcoſſe, & vouloir faire peur à la royne d’Angleterre
des Rois voyſins, elle a deſia eſſayé, que
les entreprinſes des Rois voiſins ne ceſſeront pas
pour reſeruer la royne d Eſcoſſe : Mais au contraire,
il n’y a rien qui ait donné courage, volonté, ny
moyen aux Rois voiſins, pour entreprendre ſur
ſon eſtat, que la reſerue qu’elle a faict iuſques à
ceſte heure, de la royne d’Eſcoſſe. Il eſt certain
que tous les troubles paſſez en Angleterre, ont eſté
braſſez par elle, & fondez ſur l’eſperance de la
faire royne d’Angleterre. Les Rois qui s’eſmouuroyent
de ſa mort, ſont ia eſmeus : tant ſous pretexte
de la ſeule detention, & du zele pretendu de
leur Religion, que, pour dire plus vray, pour l’enuie
qu’ils ont de ce beau Royaume, ſi riche, & ſi
opulent, qu’ils eſtimẽt vne proye bien aiſee, pour
eſtre entre les mains d’vne femme, n’eſtant appuyee
de perſonne, & de laquelle ils imputent la
clemence à timidité, & crainte de n’oſer chaſttier
