insignes. L’vne est qu’il n’y eue noise, debat, dissention, ne tumulte aucun : l’autre que de tant de vaisselle d’argent en laquelle tant de gens de diuers estatz furent seruiz, il n’y eut rien perdu n’esgaré. Les deux soirs subsequens furent faits feuz de ioye en la place publique deuant le palais de mon dit Seigneur Reuerendissime, auecques force artillerie, & tant de diuersitez de feuz artificielz, que c’estoit chose merueilleuse, comme de gros ballons, de gros mortiers iettans par chacune fois plus de cinq cens sciopes & fusees, de rouetz à feu, de moulins à feu, de nues à feu pleines d’estoilles coruscantes, de sciopes en canon, aucunes pregnantes, autres reciprocantes, & cent autres sortes. Le tout fait par l’inuention dudit Vincentio, & du Bois le Court, grand Salpetrier du Maine.
ODE SAPPHICA[1]
Mercuri interpres superum, venusto
Ore qui mandata refers vicissim,
Gratus hos circum volitans, & illos,
Præpete cursu,
Adueni sanctis patribus, senique,
Præsidet qui concilio deorum,
Quem fui spectat soboles Quiritum
Numinis instar.
- ↑ Cette pièce est un appendice de la précédente ; elle est contenue dans le même volume.
