Page:Rabelais marty-laveaux 03.djvu/256

Le texte de cette page a été corrigé et est conforme au fac-similé.

Des quatre saisons de l’année. Et premierement du printemps.

Chapitre VII[1].


Qvelqve toute ceste année ne sera qu’vne Lune, encores ne sera elle point nouuelle. Vous en estes bien marriz vous autres qui ne croyez mie en Dieu, qui persecutez sa saincte & diuine parolle, ensemble ceulx qui la maintiennent. Mais allez vous pandre, ia ne sera autre lune que celle laquelle Dieu crea au commencement du monde, & laquelle par l’effect de sadicte sacre parolle a esté establie au firmament pour luyre, & guider les humains de nuid. Ma Dia ie ne veulx par ce inferer qu’elle ne monstre à la terre & gens terrestres diminution, ou accroissement de sa clarté, selon qu’elle approchera ou s’esloignera du Soleil. Car, Pourquoy ? Pour autant que &c[2]. Et plus pour elle ne priez que Dieu la garde des loups, car ilz n’y toucheront de cest an, ie vous affie. A propos : vous verrez ceste saison à moytié plus de fleurs, qu’en toutes les trois autres. Et ne sera reputé fol

  1. Ce chapitre et les trois suivants ne se trouvent pas dans les premières éditions.
  2. Il feint de commencer à donner une explication scientifique, puis s’arrête brusquement.