Il apartient tant ſeulement, aus Rois, & ſouvereins Maȷiſtras, de 
anȷer & lois, & cout̃umes.
Qar æt̃ treſ-dur à tous peuples, de muer leurs aqout̃umanses, tant imperfettes qelles ſoient, & prinsipalement les vieilles, ſi seus qi qommandẽt ſus eus, ne les font entendre à raizon.
Pourtant (Sire) treſ-’umblement, ȷe prézente set Alfabet, de nouvelle conſtruxion, & le Modéle d’iselui aus piez de vot̃re Maȷeſté, qe vous lui dõnez qours en Franse, ſi vous trouvez qu’il le mérite, & q’il i ſoit d’utilité.
ȷe ne doute poin, q’auſſi tot̃, q’il se déqouvrira au ȷour, il ne se trouve envélopé d’une infinité de moqeurs, & d’opiniat̃res senſeurs, l’eforsant de lui fére hõte, qi le voudroient mettre au serqueil du point de ſa nativité.
ȷamés Qaribe, ou Pigmëen, ou Nein, ou Monſtre, ou Sauvaȷeau, ne leur ſervit tant de rizëe, q’is ſ’en voudront ſervir de lui, & prinsipalemẽt seus là, qi veulent qe nous éqrivons, à l’imitaſſion Latine : & qi ravaſent qe nos mos, ſont oriȷinez des Latins.
ȷamés auqun oizeau de nuit, ſe déqouvrant de ȷour aus ams, ne fut tant agasé des ȷez ou des pïes, ou des qorneilles, qomme il sera de telles ȷens, auſſi tot̃ q’is l’avizeront.
Més ſ’il vous plæt̃ de le erir, d’un tout ſeul tret d’eil favorable, tous ses averséres fondront, devant lui qomme les brouillas, fondent aus ïeus, du beau ſoleil : Tous muets is ſéqarteront, qomme petis iens aboians, voiant le Lion qi s’approe.
