Le texte de cette page a été corrigé et est conforme au fac-similé.
131
néphélococugie
Tu ne serois sans danger parmy nous
Dont n’est petit bien souvent le courroux.
Iris
Quel dur tourment souffriroy-je Deesse ?
Genin
Et tu mourrois.
Iris
Je ne meurs point.
Genin
Si est-ce
Qu’ayant forfaict vers nostre majesté,
Rien que la mort tu n’as jà merité,
N’estoit ton sexe auquel toute franchise
D’aller partout volontiers est permise.
Iris
Mon sexe seul me peut doncq garantir.
Genin
Où t’en vas-tu ?
Iris
Je m’en vays advertir
Tous les mortelz qu’ilz delaissent leur vice
Et qu’aux grandz Dieux ilz fassent sacrifice,
Ou autrement que les Dieux irritez
Les domteront de mille adversitez.
Genin
Quelz Dieux dis-tu ?
Iris
Nous qui dans le ciel sommes
Et commandons à la race des hommes.
